Google ಗುರುತಿಸಿದ AI ಬಳಸಿ ನಡೆದ ವಿಶ್ವದ ಮೊದಲ ಸೈಬರ್ ದಾಳಿ

Google ನ Threat Intelligence Group ಒಂದು ಆತಂಕಕಾರಿ ಸಂಗತಿ ಬಹಿರಂಗಪಡಿಸಿದೆ. ಒಬ್ಬ ದಾಳಿಕೋರ AI ಅನ್ನು ಬಳಸಿ zero-day vulnerability (ಅಂದರೆ ಇನ್ನೂ ಯಾರಿಗೂ ತಿಳಿಯದ ಸಾಫ್ಟ್‌ವೇರ್ ದೋಷ) ಪತ್ತೆ ಮಾಡಿ ಬಳಸಿಕೊಳ್ಳಲು ಯೋಜಿಸಿದ್ದ. ಇದು AI ಮೂಲಕ ಸೈಬರ್ ದಾಳಿ ನಡೆದ ಮೊದಲ ದಾಖಲಾದ ಪ್ರಕರಣ ಎಂದು Google ಹೇಳಿದೆ. ಸಾಂಪ್ರದಾಯಿಕ ಮಾಲ್‌ವೇರ್‌ಗಿಂತ AI ಆಧಾರಿತ ದಾಳಿಗಳು ವೇಗವಾಗಿ ಮತ್ತು ನಿರಂತರವಾಗಿ ಕಂಪ್ಯೂಟರ್ ವ್ಯವಸ್ಥೆಗಳನ್ನು ತಪಾಸಣೆ ಮಾಡಬಲ್ಲವು. Google ಈ ದಾಳಿಯನ್ನು ಸಮಯಕ್ಕೆ ಸರಿಯಾಗಿ ತಡೆದ ಕಾರಣ ದೊಡ್ಡ ಅನಾಹುತ ತಪ್ಪಿದೆ. ಆದರೆ ಮುಂದಿನ ದಿನಗಳಲ್ಲಿ AI ಆಧಾರಿತ ಸೈಬರ್ ದಾಳಿಗಳು ಹೆಚ್ಚಬಹುದು ಎಂಬ ಎಚ್ಚರಿಕೆಯನ್ನು ತಜ್ಞರು ನೀಡಿದ್ದಾರೆ.